Янгиликлар

“Rahbar va yoshlar uchrashuvi" o’tkazildi.

     Namangan akademik litseyida boshqarma boshlig’ining birinchi o’rinbosari va hududdagi faol yoshlar, litesyda tahsil olayotgan o’quvchilar, otaliqqa olingan yoshlar bilan ochiq muloqot tashkil etildi.

    Tadbirning asosiy maqsadi – yoshlarni huquqiy savodxonlikka keng jalb qilish, ularning tashabbus va fikrlarini eshitish, shuningdek, davlat organlarida ochiqlik va xalqchil boshqaruv tamoyillarini yanada mustahkamlashdan iborat bo‘ldi.

     Dastlab, maktab o‘quvchilari o‘rtasida “Huquqshunoslik” fan olimpiadasi,  korrupsiya va boshqa huquqbuzarliklarga qarshi murosasizlik tuygʻusini shakllantirishga qaratilgan insholar tanlovini, “Konstitutsiya – huquqlarim poydevori” mavzusida o’tkazilgan ijodiy insholar tanlovida g’olib bo’lgan o’quvchi-yoshlar Namangan viloyati adliya boshqarmasi boshlig’ining faxriy yorlig’i va esdaliv sovg’allari bilan taqdirlandi.

     Shundan so’ng, boshqarma boshlig‘ining birinchi o’rinbosari U.Ismatillayev yoshlarga mamlakatimizda amalga oshirilayotgan huquqiy islohotlar, yoshlar uchun yaratilgan imkoniyatlar va adliya organlarining ustuvor vazifalari haqida batafsil ma’lumot berdi. 

      Xususan, hozirgi kunda yoshlarning huquqiy madaniyatini oshirish, ularni jinoyatchilik va huquqbuzarliklardan himoya qilish, o‘z huquq va majburiyatlarini to‘g‘ri bilishlariga ko‘maklashish davlat siyosatining muhim yo‘nalishlaridan biri ekanligi alohida ta’kidlandi.

    Tadbir davomida yoshlar o‘zlarini qiziqtirayotgan savollar bilan murojaat qilishdi. Savollar ko‘proq ta’limdagi huquqiy jarayonlar, yoshlar bandligi, davlat xizmatiga kirish tartibi, shuningdek, Adliya vazirligi tomonidan amalga oshirilayotgan yangi loyihalar bilan bog‘liq bo‘ldi. 

     Uchrashuv nihoyasida yoshlar o‘z fikrlarini erkin bildirish imkoniyati uchun minnatdorlik bildirdi. Mazkur muloqot ularda adliya organlariga bo‘lgan ishonchni yanada oshirdi, huquqiy jarayonlarga faol aralashish, tashabbus ko‘rsatish va jamiyat hayotida faol pozitsiyani egallashga undadi.

https://t.me/namanganadliya/41038

Namangan viloyati adliya boshqarmasi