Янгиликлар

Tadbirkorga bir yarim milliard kompensatsiya undirib beriladigan boʻldi.

     Toʻraqoʻrgʻon tuman adliya boʻlimi tomonidan “Toʻraqoʻrgʻon Turon Servis” MChJ rahbarining tadbirkorga tegishli noturar-joyi davlat va jamoat ehtiyojlari uchun olib qoʻyilishi munosabati bilan buzilishi rejalashtirilib, baholash tashkiloti tomonidan baholangan boʻlsada, kompensatsiya toʻlab berilmaganligidan norozi boʻlgan murojaati koʻrib chiqildi.

     Toʻraqoʻrgʻon tuman hokimining 2017-yil 11-mart kundagi tumanda “Isxoqxon toʻra Ibrat”ga atab bogʻ, muzey, til oʻrganish boʻyicha maktab tashkil etilishi, yoʻl kengayishi va shaharsozlik meʼyor va talablariga javob bermaydigan hamda ishlab chiqilgan bosh rejani shakllantirish uchun buzilishga tushgan bino-inshootlarning roʻyxatini tasdiqlash toʻgʻrisida”gi 199-sonli qarori bilan asosan tumanda Isxoqxon toʻra Ibrat”ga atab bogʻ, muzey va til oʻrganish boʻyicha maktab tashkil etilishi hamda yoʻl kengayishi hamda ishlab chiqilgan bosh rejani shakllantirish uchun ilovadagi buzilishi lozim boʻlgan bino-inshootlarni amaldagi tartibga koʻra buzilishiga ruxsat etilganligi hamda ushbu qaror bilan tasdiqlangan tumanda “Isxoqxon toʻra Ibrat”ga atab bogʻ, muzey, til oʻrganish boʻyicha maktab tashkil etilishi va yoʻl kengayishi hamda ishlab chiqilgan bosh rejani shakllantirish uchun buzilishga tushgan bino-inshootlar Roʻyxati” 18-qatorida “Turon Servis” MChJ ga tegishli maʼmuriy bino koʻrsatilgan.

     Shuningdek, mazkur qaror 5-bandida tuman moliya boʻlimiga tumanning daromadlar rejasini orttirib bajarilgan qismidan buzilishga tushayotgan bino-inshootlar uchun kompensatsiya mablagʻlarini belgilangan tartibda toʻlab berish vazifasi koʻrsatilgan.

     Biroq, “Toʻraqoʻrgʻon Turon Servis” MChJ tegishli boʻlgan umumiy maydoni 1142.63m2 boʻlgan noturar-joy buzilishi belgilangan boʻlsada, hozirgi kunga qadar kompensatsiya toʻlab berilmaganligi aniqlandi.

     Adliya boʻlimi tomonidan aniqlangan holatlar yuzasidan Chust tumanlararo Iqtisodiq sudiga kiritilgan daʼvo ariza qanoatlantirilib, tadbirkorga 157365800 (bir milliard besh yuz yetmish uch million olti yuz ellik sakkiz ming) soʻm kompensatsiya undirilib berilishi belgilandi.

Farogʻat Razzakova,
Toʻraqoʻrgʻon tuman adliya boʻlimi boshligʻi