Янгиликлар
05
NOTARIAL HARAKATNI ONLAYN TASDIQLATISH NIMA UCHUN QULAY?
Navbatda turilmaydi. Vaqt tejaladi.
▪️ Notarial idoraga kelish va uyga qaytish uchun ortiqcha xarajat qilinmaydi.
▪️ Hujjatlarning aslini olib kelish shart emas.
▪️ Belgilangandan ortiqcha pul undirilmaydi. Demak, korrupsiya yo‘q.
▪️ Notarial harakat elektron tizimda avtomat tarzda shakllanadi va kerakli hujjatlar onlayn olinadi, jarayon videoga muhrlanadi.
*Quyidagi notarial harakatlarni onlayn rasmiylashtirish mumkin:
▪️ avtomashina oldi-sotdi va hadya shartnomalari;
▪️ barcha turdagi ishonchnomalar;
▪️ rozilik arizalari (er-xotinning umumiy mulkni tasarruf etishi, xususiylashtirilgan mulkni tasarruf etish, voyaga yetmagan farzandni xorijga chiqishi, merosdan voz kechish va b.);
▪️ nikoh shartnomalari;
▪️ ijro xatlari;
▪️ imzoni shahodatlash.
Ma’lumot uchun: joriy yil boshidan buyon hozirga qadar respublikada jami 4 511 833 ta notarial harakatlarning 196 302 tasi onlayn tarzda tasdiqlangan.
E-notarius.uz axborot portali orqali onlayn harakat tasdiqlatishingiz mumkin.