Янгиликлар
11
TADBIRKOR VA FERMERLAR UCHUN NAVBATDAGI YANGILIK!
Davlat xizmatlari markazlari va my.gov.uz orqali bir qator davlat xizmatlari YANADA OSON boʻladi.
Yer ijaraga olganingizdayoq — dehqon xoʻjaligingiz avtomatik roʻyxatdan oʻtadi.
Fermer xoʻjaligingizni reyestrga kiritish, oʻzgartirish yoki chiqarish — hammasi bir tugma orqali (DXM va my.gov.uz orqali).
Fermer xoʻjaligingiz tugatilsa, uni reyestrdan chiqarish uchun alohida murojaat qilish shart emas — bu ham avtomatik boʻladi.
Tashkilot tugatilganda soliq, statistika va Xalq bankiga siz emas, tizimning oʻzi xabar beradi (ilgari uch ish kuni ichida edi).
Tadbirkorlik subyektlari boʻlmagan ayrim yuridik shaxslarni ixtiyoriy tugatish jarayoni ham toʻliq raqamlashtiriladi — barcha organlar 1 ish kunida xabardor qilinadi.
Tadbirkorlik subyektlari boʻlmagan ayrim yuridik shaxslarni ixtiyoriy tugatishda tugatuvchi oʻzining tugatuvchi etib belgilanganligini elektron tarzda kelishadi.
“Kredit tarixi” endi yuridik shaxslarga ham beriladi. Narxi esa arzonroq: BHMning 5% oʻrniga 4% boʻldi.
Asos: Vazirlar Mahkamasining 2025-yil 1-martdagi 135-son qarori.