Янгиликлар

Adliya ayollariga ehtirom koʻrsatildi.

Bugun yurtimizning qay bir jabhasida boʻlmasin xotin-qizlarga alohida eʼtibor qaratilib, ularning huquq va manfaatlari himoya qilib kelinmoqda. Bunga javoban munis opa-singillarimiz ham samarali mehnat olib bormoqdalar.

Namangan viloyati adliya boshqarmasi tizimida ham fuqarolarning huquqiy savodxonligini oshirish, shuningdek aholining uzogʻini yaqin, mushkulini oson qilishdek masʼuliyatli ishni oʻz zimmasiga olib xizmat qilayotganlar koʻplab topiladi.

Ana shunday mehnatkash, oqila xotin-qizlarga 8-mart Xalqaro xotin-qizlar bayrami munosabati hurmat va ehtirom koʻrsatildi. Namangan viloyati adliya boshqarmasida oʻtkazilgan bayram tadbirida boshqarma boshligʻi soʻz olib, aziz va muhtarama ayollarni bayram bilan qizgʻin muborakbod etdi.

Yurtimizda ular uchun yaratilgan sharoit va imkoniyatlar eʼtirof etib, tizimda faoliyat olib borayotgan xodimalarning kelgusi ishlariga omad va zafarlar tiladi.

Bayram tadbiri davomida boshqarma xodimi Sherzodbek Yigitaliyevning “Adliya ayollari”ga bag’ishlab yozgan sheri haqiqiy bayram kayfiyati tuhfa qildi.

Shundan soʻng, munis, qalbi daryo hamkablarimizga esdalik sovgʻalarini ulashdi.

Namangan viloyati adliya boshqarmasi
Tarmoqlarimizda bizni kuzatib boring