Bog'lanish

Telefon
(+998 69) 227-06-62

Elektorn manzil
namangan@adliya.uz

Habarni yuborish
Ishonch telefoni 1008

Янгиликлар

20

Adliya vaziri o’rinbosari To’raqo’rg’on tumanida Sayyor qabulda ishtirok etdi.

To`raqo`rg`on tuman Madaniyat Markazida Adliya boshqarmasi Hududiy FHDY arxivi tomonidan o`tkazilgan Sayyor qabulda – Adliya Vaziri o`rinbosari X.Meliyev, To`raqo`rg`on tuman Adliya bo`limi, Viloyat Pensiya jamg`armasi mas`ullari, Ijtimoiy himoya bo`limi xodimlari ishtirok etdi.

Sayyor qabulda jami, 302 ta fuqaroning murojaati tinglandi. Shulardan 282 ta fuqaroning yoshga doir pensiya, boquvchisini yo`qotganlik nafaqasi, moddiy yordam, kam ta`minlangan oilalar uchun bola puli olishlaridagi hujjatlaridagi noaniqliklari arxiv baza orqali raqamlashtirildi, muammo va kamchiliklari joyning o`zida bartaraf etildi.

        Fuqarolarning tug`ilganlik, nikoh, nikohdan ajralganlik va o`lim dalolatnoma yozuvlariga JSHSHIR biriktirildi. Vafot etgan fuqarolarning tug`ilganlik haqidagi dalolatnoma yozuvlariga vafot etganlik belgisi, nikoh dalolatnoma yozuviga er yoki ayol vafot etgan bo`lsa, nikoh tugatilganligi, shuningdek fuqarolar nikohdan ajralgan bo`lsa, sud qarori yoki ajrim guvohnomasiga asosan nikoh bekor bo`lgan belgisi qo`yildi.

        Fuqarolarning farzandlarini tug`ilish dalolatnoma yozuvlarida ota yoki ona JSHSHIR birikmagan bo`lsa, joyning o`zida biriktirilib, oila tarkibi shakllantirildi. Shuningdek vafot etgan farzandlari bo`lsa, vafot guvohnomasi kiritilib, vafot etganlik belgisi qo`yildi. Vafot etgan oila a`zosiga vafot guvohnoma olinmagan bo`lsa, fuqarolarga vafot etganlik guvohnomasini muddati o`tgan tartibda olish bo`yicha huquqiy tushunchalar berildi. Dalolatnoma yozuvlaridagi imlo xatolar arxiv fondi kitoblariga solishtirib, mavjud kamchiliklar bartaraf etildi. 20 ta murojaatchining shaxsga doir ma`lumotlaridagi xato va kamchiliklarni qo`shimcha o`rganib, tekshirish uchun FHDY arxivi ish yurituviga olindi.

Sayyor qabul davomida avvalgi Uychi tumanida o`tkazilgan tadbirda murojjaatchi sifatida ishtirok etgan E.D ga 4 nafar farzandining tug`ilganlik haqida guvohnomasi va o`ziga tegishli bo`lgan nikoh guvohnomasini turli viloyatlardan ekstroterritorial tartibda tiklanib tantanali topshirildi.

Sayyor qabul davomida tumanning “Istiqlol” mahallasida istiqomat qiladigan 1-guruh nogironi, 1999-yilda tug`ilgan X.U. ning ota-onasi bola puli olish uchun sakkiz marotaba Ijtimoiy Himoya Agentligiga murojaat qilganligi aniqlandi.

FHDY organlarining yagona elektron arxiv bazasida mavjud muammolari joyning o`zida bartaraf etildi. Ijtimoiy Himoya Agentligi tomonidan dasturga kiritilib, hujjatlari to`liq rasmiylashtirildi. Shu bilan bir qatorda Pensiya Jamg`armasi tomonidan taqdim qilingan 31 nafar fuqaroning yoshga doir nafaqa olishlarida mavjud bo`lgan kamchiliklari ya`ni tug`ilganlik, nikoh, o`lim va ajrim dalolatnoma yozuvlariga JSHSHIR biriktirildi.

https://t.me/namanganadliya/29501

 Namangan viloyati adliya boshqarmasi