Янгиликлар

HUQUQIY TАRGʼIBOTNI АMАLGА OSHIRISH HАMDА HUQUQIY АXBOROTNI TАRQАTISH VА UNDАN FOYDАLАNISHNI TА’MINLАSH SOHАSINING SАRHISOBI

HUQUQIY TАRGʼIBOTNI АMАLGА OSHIRISH HАMDА HUQUQIY АXBOROTNI TАRQАTISH VА UNDАN FOYDАLАNISHNI TА’MINLАSH SOHАSINING SАRHISOBI

Namangan viloyat adliya boshqarmasi va uning tizimidagi idoralar xodimlari tomonidan 2021 yilning oʼtgan davrida jami 9 849 ta (boshqarma tomonidan
1 412 ta, adliya boʼlimlari tomonidan 8 437 ta) huquqiy targʼibot tadbirlari amalga oshirildi.

Xususan, 2021 yilning oʼtgan davri mobaynida ommaviy axborot vositalari orqali jami 4 565 ta, shundan 123 marotaba televideniyada, 253 marotaba radioda, 204 marotaba gazeta va jurnallarda, 3 985 marotaba veb-sayt va boshqa elektron axborot vositalarida chiqishlar qilindi.

Shuningdek, 2021 yilning oʼtgan davrida adliya boshqarmasi va uning tizimidagi idoralar xodimlari tomonidan joylarda jami 8 824 ta ogʼzaki huquqiy targʼibot tadbirlari (shundan 2 762 tasi manzilli targʼibot), shundan 995 ta maʼruza, 965 ta davra suhbati, 498 ta seminar oʼtkazilib, 2 066 ta holatda uyma-uy yurgan holda aholiga yangi qabul qilingan qonun hujjatlarining mazmun-mohiyati va ahamiyati yetkazildi.

Ogʼzaki huquqiy targʼibot tadbirlari 2 292 ta mahalla fuqarolar yigʼinlarida, 813 tasi taʼlim muassasalarida, 723 tasi mehnat jamoalarida va 859 tasi boshqa joylarda oʼtkazildi.

Shuningdek, oʼtgan davr mobaynida jami 742 nusxada 47 turdagi yozma targʼibot (oʼquv-qoʼllanma va risolalar) hamda joylarda huquqiy targʼibot tadbirlari davomida jami 9 979 nusxada 413 dan ortiq buklet va flaerlar tarqatildi.

3.1. Huquqiy axborotni tarqatish va undan foydalanishni ta’minlash sohasida

O‘zbekiston Respublikasining 2017-yil 7-sentabrdagi “Huquqiy axborotni tarqatish va undan foydalanishni ta’minlash to‘g‘risida”gi Qonuni, O‘zbekiston Respublikasi Prezidentining 2017-yil 8-fevraldagi “Qonun hujjatlarini tarqatish tizimini tubdan takomillashtirish chora-tadbirlari to‘g‘risida”gi PQ–2761-son Qarori va O‘zbekiston Respublikasi Prezidentining 2018-yil 13-apreldagi
PQ-3666-son Qarori bilan tasdiqlangan “O‘zbekiston Respublikasi Adliya vazirligi to‘g‘risida”gi Nizomning 7-ilovasiga asosan, 2021-yilning o‘tgan davrida Adliya vazirligidan boshqarmaga elektron shaklda kelib tushgan jami 631 ta normativ-huquqiy hujjatlar “E-XAT” elektron hamkorlik tizimi orqali viloyatdagi barcha davlat organlari va tashkilotlariga yuborilgan.

3.2. Huquqiy targ‘ibot sohasini yanada samaradorligini oshirish, davlat organlari va tashkilotlari bilan hamkorlikni yaxshilash borasida huquqiy targ‘ibot va ma’rifat bo‘limi tashabbusi bilan amalga oshirilgan ijobiy ishlar:

O‘zbekiston Respublikasi Prezidenti tomonidan qabul qilinayotgan hujjatlarning mazmun-mohiyatini aholi va ijrochilarga yetkazish va ularning Namangan viloyatida ijro etish holatini nazorat qilish natijalari yuzasidan Namangan viloyat teleradiokompaniyasi bilan hamkorlikda “Farmon va ijro” ko‘rsatuvi tayyorlanib kelinmoqda. Ayni vaqtga qadar ko‘rsatuvning 9 ta soni efirga uzatildi.

Qolaversa viloyat televideniyesiga hafta davomida huquqiy mazmunda kelib tushayotgan savollarga javob berish maqsadida “Guldasta” (jonli efir) dasturida “Huquqiy maslahat” rukni tashkil etildi. Unda Adliya boshqarmasi va uning tuman (shahar) bo‘limlarining mutaxassislari ishtirok etmoqda. Ayni vaqtga qadar ushbu ko‘rsatuvda 40 nafar xodim ishtiro ketdi.

Shuningdek, O‘zbekiston Respublikasi Vazirlar Mahkamasining 2019-yil 20-apreldagi 342-son qarori hamda mazkur qaror ijrosi yuzasidan Adliya vazirligining 2019-yil 25-apreldagi 130-um-son buyrug‘ida adliya organlari huquqiy targ‘ibot tadbirlarini monitoring qilish doirasida mas’ul davlat organlari va tashkilotlariga ko‘rib chiqilishi majburiy bo‘lgan so‘rovnoma yuborishi, davlat organlari va tashkilotlar so‘rovnoma olingan kunda e’tiboran 10 kun ichida tegishli materiallarni ilova qilgan holda javob xatini adliya organlariga taqdim qilishi belgilangan.

Shunga ko‘ra, Namangan viloyat adliya boshqarmasi tomonidan joriy yilning 18-iyun kuni davlat idoralari va tashkilotlarga 1-5-8/181-sonli xat yuborilib, ularning bu boradagi faoliyati so‘rov yo‘li bilan monitoring qilindi.

Jumladan, Namangan viloyat iqtisodiyot va kambag‘illikni qisqartirish boshqarmasi, jinoyat va fuqarolik ishlari bo‘yicha Namangan viloyat sudi, davlat xizmatlari agentligi viloyat boshqarmasi, viloyat davlat soliq boshqarmasi, favqulotda vaziyatlar boshqarmasi, bojxona boshqarmasi, xalq ta’limi boshqarmasi, maktabgacha ta’lim boshqarmasi, investitsiyalar va tashqi savdo boshqarmasi, uy-joy communal xizmat ko‘rsatish boshqarmasi, veterinariya va chorvachilikni rivojlantirish boshqarmasi, Namangan muhandislik texnologiya instituti, Namangan muhandislik – qurilish instituti,viloyat bandlik boshqarmasi, viloyat qishloq xo‘jaligi boshqarmasi hamda Yoshlar ittifoqi viloyat kengashi tomonidan joriy yilning o‘tgan davri mobaynida 15270 marotaba huquqiy targ‘ibot ishlari tashkil etilgan.

Shundan, 2970 tasi ommaviy axborot vositalarida (televideniye, radio, gazeta va jurnal, veb-sayt va ijtimoiy tarmoqlar), 8435 tasi og‘zaki huquqiy targ‘ibot tadbirlari (ma’ruzalar, davra suhbatlari, seminar va konferensiyalar, uyma-uy yurib o‘tkazilgan targ‘ibot tadbirlari) 3865 tasi yozma va ko‘rgazmali huquqiy targ‘ibotlari (darslik va o‘quv-qo‘llanma, risola, savol- javob va sharhlovchi qo‘llanmalar, plakat, buklet va boshqa materiallar) hisoblanadi.

Namangan viloyat adliya boshqarmasi