Янгиликлар

НАМАНГАНДА АДВОКАТЛАР ва ЁШ БИТИРУВЧИЛАР БИЛАН ОЧИҚ МУЛОҚОТ УЧРАШУВИ ЎТКАЗИЛДИ!

Бугун 25 июнь куни Наманган вилоят адлия бошқармасида вилоятда фаолият кўрсатиб келаётган адвокатлар ва ТДЮУ ҳамда Наманган вилоят юридик техникуми битирувчилари ўртасида очиқ мулоқот шаклидаги учрашув ташкил этилди.Учрашувда мамлакатимизда адвокатура институтини роли ва нуфузини ошириш, ёшларни соҳага қизиқтириш орқали уларнинг бандлигини таъминлаш масалалари муҳокама этилди.

Кун тартибига кўра, вилоятда обрў-эътиборга эга бўлган, тажрибали ва ёш адвокатлар ёшларга ўз ҳаёт тажрибаларини ўртоқлашдилар. Адвокатларнинг ўз ҳаёт тажрибалари, соҳага кириб келиши ва эришган ютуқлари тўғрисидаги маълумотлари ёшларнинг қизиқишларини ортишига сабаб бўлди.

Учрашув якунига кўра, ёшларнинг қизиқишларидан келиб чиққан ҳолда Ўзбекистон Адвокатлар палатаси Наманган вилоят ҳудудий бошқармаси биносига ҳамда у ерда фаолият кўрсатиб келаётган адвокатлик тузилмаларига экскурсия ташкил этилди.

Экскурсия давомида адвокат бўлиб ишлаш хоҳишини билдирган университет ва техникум битирувчиларига ўз салоҳиятларига мос бўлган иш ўринлари таклиф этилди.

Якунда эса, жами 5 нафар битирувчилар “Наманган адокатлар ҳайъати”да фаолият кўрсатиб келаётган адвокатларга бириктирилиб, синов натижасига кўра ишга жойлаштиришга келишилди.

Наманган вилоят адлия бошқармаси