Янгиликлар

ФАТФ ташкилоти тавсиялари бўйича учрашув ўтказилди!

     Бугун 10 май куни Наманган вилоят адлия бошқармаси ва Ўзбекистон Республикаси Бош прокуратураси ҳузуридаги иқтисодий жиноятларга қарши курашиш департаментининг Наманган вилоят бошқармаси билан ҳамкорликда вилоятдаги ННТлар вакиллари учун Жиноий фаолиятдан олинган даромадларни легаллаштиришга қарши курашиш бўйича молиявий чоралар ишлаб чиқувчи гуруҳ (ФАТФ)нинг тавсиялари мазмун моҳияти юзасидан учрашув ташкил этилди.
Учрашувда бошқарма бўлим бошлиғи Б.Саримсоқов ва департаментнинг вилоят бошқармаси ходими Э.Хакимовлар томонидан жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш соҳасидаги қонунчилик талабларини батафсил тушунтириб берилди.
     Учрашув ZOOM платформасида онлайн ва офлайн шаклда ташкил этилиб, унда 50 га яқин мустақил ННТ вакиллари иштирок этдилар. Якунда савол-жавоблар ўтказилиб, келгусида бундай учрашувларни мунтазам ўтказиб боришга келишиб олинди.
Маълумот учун: FATF – 1989 йилда ташкил этилган халқаро ташкилот. У – жиноий даромадларни ҳалоллаш ва терроризмни молиялаштиришга қарши ҳаракат қилиш соҳасидаги жаҳон стандартларининг асосий ишлаб чиқувчиси. Ўзбекистон FATF аъзоси ҳисобланмайди, Жиноий даромадларни легаллаштириш ва терроризмни молиялаштиришга қарши ҳаракат қилиш бўйича Евросиё гуруҳи (EAG) орқали унинг ишида иштирок этади.