Янгиликлар
Ҳар бир идора ҳуқуқшуносга мухтож
Ташкилот ёки идоранинг ҳуқуқшуноси бўлишлиги унинг фаолияти қонуний муҳофазада эканлигини
англатади. Шу сабабли ҳам давлат органлари ва ташкилотларининг юридик хизмати ходими лавозимига тайинлашга келишиш масаласи ҳудудий адлия органларининг асосий вазифаларидан бири этиб белгиланган.
Шунга кўра, Наманган вилоят адлия бошқармаси томонидан давлат органлари ва ташкилотларининг юридик хизмати ходими лавозимига тайинлашга 7 та тегишли ташкилотлар томонидан тақдим этилган номзодларни адлия органлари билан келишиш уларнинг тавсия этилган лавозимга лаёқатини ва касбига муносиблигини аниқлаш мақсадида бошқарманинг "Юридик хизмат ходимларини лавозимга тайинлаш ва озод қилиш масалаларини адлия органлари билан келишиш комиссияси"нинг навбатдаги йиғилиши ўтказилди. Комиссиянинг хулосасига кўра 7 нафар номзод юридик хизмат ходими лавозимига суҳбатдан муваффақиятли ўтган деб топилди.
Унда Наманган юридик коллежи талабалари амалиётчи сифатида қатнашиб лавозимга келишиш жараёнлари бўйича кўникмаларга эга бўлишди.
Ҳуқуқий экспертиза ва юридик хизматларнинг
фаолиятини мувофиқлаштириш бўлими.