Янгиликлар
Халққа хизмат эзгу амал.
Жорий йилнинг 14 март куни Наманган вилоят адлия бошқармаси бошлиғининг биринчи ўринбосари У.Исматиллаев томони
дан туман адлия бўлими, ФҲДЁ бўлими мудири, туман аҳоли бандлигига кўмаклашиш маркази, Маҳалла кенгаши ва бошқа мутасадди ташкилотлар масъул ходимлари иштирокида Чортоқ туманидаги 48-сонли умумий ўрта таълим мактабида Навбаҳор, Ифтихор ва Болон МФЙларида яшовчи фуқаролар учун сайёр қабул ўтказилди. Сайёр қабулда жами 40 дан ортиқ фуқаролар иштирок этиб, улардан 7 нафарининг мурожаати белгиланган тартибда кўриб чиқишлик учун иш юритувга қабул қилинди, 18 нафар фуқароларнинг турли муаммоли масалалари юзасидан тегишли ҳуқуқий тушунтириш ва маслаҳатлар берилди.
Шунингдек, сайёр қабул давомида фуқароларга сўнгги қабул қилинган қонун ҳужжатларидаги янгиликлар, Вазирлар Маҳкамасининг 2018 йил 21 июндаги 461-сон “Ўзбекистон Республикаси Президентининг “Фуқароларни ижтимоий қўллаб-қувватлаш бўйича қўшимча чора-тадбирлар ҳамда ўзбошимчалик билан қурилган турар жойларга нисбатан мулк ҳуқуқини эътироф этиш бўйича бир марталик умумдавлат акциясини ўтказиш тўғрисида” 2018 йил 20 апрелдаги ПФ-5421-сон Фармони ижросини таъминлаш чора-тадбирлари ҳақида”ги қарори ва бошқа муҳим қонун ҳужжатларининг мазмун-моҳияти ва аҳамияти тушунтириб ўтилди.
Наманган вилоят адлия бошқармаси
Ташкилий-назорат ва таҳлил ишлари бўлими.