Янгиликлар

Ҳуқуқий тарғиботда ишларни мувофиқлаштириш

“Ҳуқуқий тарғибот соҳасида давлат органлари ва жамоат бирлашмаларининг ишларини мувофиқлаштириш бўйича Идоралараро кенгаш тўғрисида”ги Низом Вазирлар Маҳкамасининг 2012 йил 23 июлдаги қарори билан тасдиқланиб, унга кўра давлат органлари ва жамоат бирлашмаларининг ҳуқуқий тарғибот ва маърифат соҳасидаги ишини мувофиқлаштириш ташкил этилган кенгашнинг асосий вазифаларидан бири ҳисобланади.

Шу муносабат билан, Наманган вилоят адлия бошқармаси ташаббуси билан “Ҳуқуқий тарғибот соҳасида давлат органлари ва жамоат бирлашмаларининг ишларини мувофиқлаштиришнинг зарурий аҳамияти” мавзусида семинар ташкил этилди.

Таъкидланганидек, Ҳуқуқий тарғибот ва маърифат бўйича давлат органлари ишларини мувофиқлаштириш юзасидан Идоралараро кенгашга 24 та давлат органи ва жамоат бирлашмалари масъул раҳбарларининг аъзо этиб киритилганилиги, ҳудудларда ҳуқуқий тарғибот ишларини мувофиқлаштириб бориш вазифаси вилоят Адлия бошқармаси томонидан амалга оширилиши, бу борада бошқарма томонидан вилоятдаги мавжуд давлат органларига ва жамоат бирлашмаларига дастлаб 2010 йилда хат орқали мурожаат этилганлиги, шунга қарамай айрим идоралар томонидан ҳисоботлар деярли тақдим этилмаётганлиги, ушбу ишларга етарлича эътибор қаратилмаяпти.

Тадбирда, йиғилганларга тарғибот шакллари намунасига эътибор қаратилди ва ҳисоботларни шу асосда тақдим этиб боришни йўлга қўйилиши юзасидан тавсиялар берилиб, жадвални қай тартибда юритиб борилиши юзасидан тушунчалар берилди.

Шу каби камчилик ва мавжуд муаммоларни ҳал этишимиз учун ҳамда ҳуқуқий тарғибот фаолиятининг мамлакатимизда демократик ислоҳотларни янада чуқурлаштириш ва фуқаролик жамиятини ривожлантиришнинг асосий йўналишлари, “Давлат ҳокимияти ва бошқаруви органлари фаолиятининг очиқлиги тўғрисида”ги Ўзбекистон Республикаси Қонунига мувофиқ ҳолда ташкил этиш мақсадида қуйидагиларни амалга ошириш тавсия этилди.

1. Ҳуқуқий тарғибот ишларини ҳар ярим йилликка мўлжалланган махсус режалар асосида ва тизимли равишда ташкил этиш.

2. Ҳуқуқий тарғибот тадбирларининг кенг қамровли бўлишини ҳамда мамлакатимизда ижтимоий-иқтисодий, сиёсий-ҳуқуқий ва маънавий-маърифий соҳаларда олиб борилаётган ислоҳотларнинг мазмун-моҳиятини аҳолига мунтазам равишда тушунтириб борилишини таъминлаш.

3. Оммавий ахборот воситалари имкониятларидан фойдаланган ҳолда ҳуқуқий тарғибот ишларининг салмоғи ва самарадорлигини ошириш, ҳуқуқий тарғибот фаолиятида оммавий ахборот воситалари билан ҳамкорликни кучайтириш.

4. Ҳуқуқий тарғибот тадбирларини мувофиқлаштириб бориш, тузилма аппарати ва қуйи тизимларда амалга оширилган тарғибот ишларини умумлаштириш ҳамда адлия бошқармасига ҳисоботларни тақдим этишга масъул ходимни буйруқ ёки фармойиш асосида бириктириш.

Тадбир сўнгида ҳар бир иштирокчига тарғибот шакли намунаси ҳамда давлат органлари ва жамоат бирлашмаларининг тарғибот соҳасида хизматда фойдаланиш учун услубий қўлланмалар тарқатилди.