Bog'lanish

Telefon
(+998 69) 227-06-62

Elektorn manzil
namangan@adliya.uz

Habarni yuborish
Ishonch telefoni 1008

Янгиликлар

04

“Ёшлар ва қонун” тарғибот лойиҳаси давом этмоқда

1.jpgМамлакатимизда ижтимоий ҳаётнинг турли соҳаларида олиб борилаётган ислоҳотлардан кўзланган асосий мақсад адолатли фуқаролик жамиятини шакллантириш ва ҳуқуқий демократик давлатни ривожлантиришдир. Ёшларнинг сиёсий-ҳуқуқий маданиятини шакллантириш мамлакатимизда амалга оширилаётган демократик ўзгаришлар ва ислоҳотлар самарадорлигининг муҳим шарти саналади. Шу боис ёш авлоднинг ўз конституциявий ҳуқуқ ва бурчларини тўлиқ англаб етиши, ён атрофда содир бўлаётган воқеаларга дахлдорлик ҳиссини оширишга қаратилган ишлар амалга оширилмоқда.

Шу мақсадда, Наманган давлат университети, вилоят адлия бошқармаси, “Адолат” социал демократик партияси вилоят кенгаши, “Камолот” ЁИҲнинг вилоят кенгаши билан ҳамкорликда “Ёшлар ва қонун” лойиҳаси асосида анжуман ташкил этилди.

Анжуманда Ўзбекистон Республикаси Президентининг “Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепцияси”да ҳуқуқий таълим ва маърифатни, жамиятда ҳуқуқий билимлар тарғиботини тубдан яхшилашга йўналтирилган мақсадли кенг кўламли чора-тадбирлар белгиланганлиги, мазкур илмий – амалий анжуманда концепцияда белгиланган юқоридаги устувор вазифаларнинг мазмун ва моҳиятини ёритиш ҳамда демократик ислоҳотларни чуқурлаштириш ва фуқаролик жамиятини ривожлантиришда ҳуқуқий тарғиботни амалга ошириш механизмларини такомиллаштириш билан боғлиқ масалалар илмий – амалий жиҳатдан таҳлил этилди.

1.jpgШунингдек, аҳолининг сиёсий, ҳуқуқий онги, маданияти, билими даражасини оширишни эса ҳуқуқий саводхонликни таъминламасдан, уни амалиётда тўғри, тизимли йўлга қўймасдан эришиб бўлмаслиги таъкидланди. Мазкур йўналишда мамлакатимизда зарур ҳуқуқий база тўлиқ шакллантирилган. Хусусан, Конституция, қонунлар, хуқуқ соҳалари бўйича зарур қўлланмалар, шарҳлар, оммабоп юридик адабиётлар яратилганлиги таъкидлаб ўтилди.

Анжуман сўнгида, талабалар ўзларини қизиқтирган барча саволларга соҳа вакилларидан жавоб олдилар.