Янгиликлар
Соғлом фарзандлар ҳаёт қувончи
Наманган шаҳридаги Фуқаролик жамиятини шакллантиришни мониторинг қилиш мустақил институтида “Эрта турмуш қуриш ва қариндошлик никоҳларининг олдини олиш, оналар ва болалар саломатлигини мустаҳкамлаш” мавзусида ўқув-семинар ўтказилди.
Семинарда маърузачилар томонидан оила тинчлигида, мустаҳкамлигида оналар саломатлиги, болаларнинг нуқсонсиз туғилишининг аҳамияти қай даражада эканлиги, эрта турмуш қуришнинг салбий оқибатлари, қариндошлар ўртасидаги никоҳ масалалари, шунингдек, амалиётда ёш оилаларда учраб турган нохуш ҳолатлар, қизларимизнинг ҳаёт мактабини тушунмай,
физиологик жиҳатдан ҳали ҳаётга тайёр бўлмасдан оила қуришлари ва натижада носоғлом болаларнинг дунёга келаётганлиги бўйича йиғилганларга слайд орқали кўрсаткичлар ва таққослама кўргазмалар орқали атрофлича тушунтиришлар берилди.
Семинарга йиғилган иштирокчилар ўзларини қизиқтирган саволларига жавоблар олиб, келиб чиқаётган мавжуд муаммо ва камчиликларни биргаликда ечимини топиш юзасидан фикр ва мулоҳазалар билдиришди.