Bog'lanish

Telefon
(+998 69) 227-06-62

Elektorn manzil
namangan@adliya.uz

Habarni yuborish
Ishonch telefoni 1008

Янгиликлар

16

Аҳоли учун яна бир қулайлик

DSC02083.JPGМамлакатимиз Конституцияси қабул қилинганлигининг 22 йиллиги арафасида Наманган вилоятининг Норин туманида Фуқаролик ҳолати далолатномаларини ёзиш бўлими ва туман давлат нотариал идорасининг бутунлай янгидан қад ростлаган замонавий маъмурий биноси туман аҳли учун фойдаланишга топширилди.

Кўркам бинонинг тантанали очилиш маросимида иштирок этган вилоят ҳокими Б.Юсупов ва вилоят адлия бошқармаси бошлиғи С.Нуриев истиқлол йилларида аҳолига малакали ва сифатли ҳуқуқий хизмат кўрсатилишини таъминлаш борасида амалга ошириб келинаётган ислоҳотларга алоҳида тўхталиб, бу борада фуқаролик ҳолати далолатномаларини ёзиш бўлимлари ҳамда давлат нотариал идоралар фаолиятининг самарадорлигини таъминлаш, уларнинг моддий-техник базасини янада мустаҳкамлашга алоҳида эътибор қаратилаётганлигини таъкидладилар.

Қайд этиш жоизки, ислоҳотлар асосида аҳолига ҳуқуқий хизмат кўрсатиш ва янада қулайликлар яратиш мақсадида Адлия вазирлиги томонидан белгиланган зарурий чора-тадбирлар ижроси натижасида ўтган даврлар мобайнида Наманган шаҳридаги 1 ва 2-сонли ҳамда Учқўрғон, Косонсой, Наманган, Тўрақўрғон туман ФҲДЁ идоралари, Наманган шаҳридаги 1 ва 3-сонли давлат нотариал идоралари, давлат нотариат ва ФҲДЁ архивлари бинолари учун янги замонавий бинолар қурилиб фойдаланишга топширилди.

DSC02083.JPGБош Қомусимиз қабул қилинганлигининг 22 йиллиги арафасида фойдаланишга топширилган Норин туман ФҲДЁ бўлими ва туман давлат нотариал идораси учун фойдаланишга топширилган замонавий бино бу борадаги ишларнинг узвий давоми бўлди. Туман марказида жойлашган ушбу бинода фуқаролар учун барча зарур шарт-шароитлар яратилган, замонавий техника жиҳозлари ва офис мебеллари билан таъминланган.

Бу каби замонавий ва кўркам бахт кошоналари ҳамда давлат нотариал идораларининг бунёд этилиши давлатимизда фуқароларга кўрсатилаётган тезкор ва замонавий ҳуқуқий хизматнинг сифати ва самарадорлигини янада ошишига, ва албатта, бинода яратилган қулай шарт-шароитлар эса адлия органлари ходимларини ўз вазифаларига янада масъулият билан ёндашган ҳолда фаолият кўрсатишга ундайди.