Ўзбекистон Республикаси Президентининг 2014 йил 7 ноябрдаги “Ўзбекистон Республикаси Конституцияси қабул қилинганлигининг йигирма икки йиллигини нишонлашга тайёргарлик кўриш ва уни ўтказиш чора-тадбирлари тўғрисида”ги Ф–4376-сонли ҳамда Ўзбекистон Республикаси Адлия вазирининг 2014 йил 11 ноябрдаги 251-ум-сон буйруғи ижросини таъминлаш мақсадида Конституциямиз қабул қилинганлигининг йигирма икки йиллик байрамига бағишлаб Наманган вилоят адлия бошқармаси ҳамда Наманган вилоят Прокуратураси ўзаро ҳамкорликда Наманган муҳандислик-технология институтида давра-суҳбати ўтказилди.

Мазкур давра суҳбатида Наманган вилоят адлия бошқармаси бошлиғи С.Нуриев “Конституция – тараққиётимиз кафолати” номли маъруза билан иштирок этиб, Конституциямиз қандай ҳужжат эканлиги, уни қабул қилинишининг тарихий аҳамияти, ундаги асосий принципларнинг мазмун-моҳияти, фуқароларнинг ҳуқуқлари ва бурчлари юзасидан, шунингдек, амалга оширилаётган бугунги кундаги кенг қамровли ислоҳотларимизнинг демократик ҳуқуқий асоси эканлигини таъкидлаб ўтди.

Шунингдек, мазкур давра суҳбатида навбатдаги маърузачи аманган вилоят прокурорининг катта ёрдамчиси Г.Шарипова сўз олиб “Конституция – бахтимиз қомуси” номли маъруза билан иштирок этди.