Bog'lanish

Telefon
(+998 69) 227-06-62

Elektorn manzil
namangan@adliya.uz

Habarni yuborish
Ishonch telefoni 1008
27.01.2022

Пахта хомашёси ва уруғлик пахтани етказиб бериш хамда харидқилиш бўйича фьючерс шартнома

Пахта хомашёси ва уруғлик пахтани етказиб бериш хамда

харидқилиш бўйича фьючерс шартнома

________-cон

 

«____»« _________ » 2022 йил                                                                         _______________________

 

Бир томондан ________________________________номидан низом (устав) асосида иш юритувчи раҳбари ________________________________ ФИШ (бундан буён–“Буюртмачи”) ва иккинчи томондан ________________________________ фермер хўжалиги номидан устав асосида
иш юритувчи раҳбари _____________________________________ (бундан буён – “Хўжалик”) биргаликда “тарафлар” ушбу битимни қуйидагилар ҳақида туздилар.

1. ШАРТНOМАНИНГ ПРЕДМЕТИ

1.1.  “Хўжалик” ўзининг 2022 йил учун “Агротехнологик харита”(бизнес-режаси)га асосан ______гектар ер майдондан _____навли, _______тонна пахта хомашёсини “Буюртмачи”га етказиб бериши,“Буюртмачи”
эса ушбу маҳсулотни қабул қилиб олиш ва шартноманинг 4.1.-бандига мувофиқ ҳақини тўлаш мажбуриятини
ўз зиммасига олади.

 

Селекцион

нав номи

Репродукция

Уруғлик пахта хомашёси миқдори, (тонна)

Уруғлик пахта топширишнинг сўнгги муддатлари

 

 

 

 

 

 

 

 

 

1.2.  “Хўжалик” 2022 йил хосилидан ______ гектар ер майдондан ____________ селекцион навли,
____ репродукцияли,_________тоннапахта хом ашёсиниҳамда _______гектар ер майдондан,________ селекцион навли,________ репродукцияли, _________ тоннауруғлик пахтаниҳосил йилининг 15 декабрь санасигача етказиб бериш, “Буюртмачи” эса мазкур шартноманинг 4.1.-бандида белгиланган муддатларда ушбу маҳсулотларни ҳақини тўлаш мажбуриятини ўз зиммасига олади.

1.3.   “Хўжалик” томонидан етиштирилган пахта хомашёси ва уруғлик пахтаучун “Буюртмачи”томонидан ушбу шартноманинг 4-бўлимида кўрсатилган тартибда ҳисоб китоблар амалга оширилади.
Об-ҳаво шароитларидан келиб чиқиб, уруғлик пахтани етказиб беришда навлар бўйича миқдорий ўзгартиришлар киритилиши мумкин.Бунда, тарафлар оқилона муддатда ўзгартириш киритилиши тўғрисида бири-бирига хабарнома юборишлари лозим.

1.4.    Пахта хом ашёсини ва уруғлик пахтани териб олишдан олдин“Буюртмачи” жалб қилинган мутахасcислар томонидан пахта майдонлари ўрганиб чиқилиб, апробация қилинади ва шу асосида унга миқдорий ўзгартиришлар киритилиши мумкин.

1.5.    Пахта хомашёсининг сифати O‘zR.ST-___________-пахта “Техникавий шартлар” талабларига ҳамда уруғлик пахта хомашёси сифати O‘zR.ST-___________ талабларига жавоб бериши шарт.

1.6.    “Буюртмачи” томонидан молиялаштирилган худудда “Хўжалик” томонидан етиштириладиган пахта хомашёси тўлиқ ҳажмда “Буюртмачи”га етказиб берилади.

2. ТАРАФЛАРНИНГ ҲУҚУҚЛАРИ ВА МАЖБУРИЯТЛАРИ

2.1. “Хўжалик” қуйидаги ҳуқуқларга эга:

ушбу шартноманинг 2.4-бандига асосан уруғлик билан таъминлашни “Буюртмачи”дан талаб қилиш;

мазкур шартномани бажариш учун зарур бўлган амалдаги давлат стандартлари ва бошқа меъёрий ҳужжатлар билан таъминлашни талаб қилиш;

маҳсулотни топшириш, сифатини аниқлаш юзасидан “ПК-17” шаклини тўлдиришда қатнашиш;

маҳсулотлар “Хўжалик”нинг ҳисобидан ташилганда транспорт ҳаражатларини қоплашни белгиланган меъёрий тарифлар доирасида “Буюртмачи”дан талаб қилиш;

“Буюртмачи” томонидан уруғлик материаллари ўз вақтида етказиб берилмаганда, шунингдек терим пуллари,бўнак (аванс) маблағлари ва якуний ҳисоб-китоблар ўз вақтида амалга оширилмаганда етказилган зарарларни қоплашни талаб қилиш;

шартноманинг 1.1-бандида белгиланган мажбуриятдаги I сортга нисбатан ортиқча топширилган
хар бир тоннапахтахомашёси учун белгиланган нархга қўшимчаравишда 15 фоиз,мажбуриятдаги II сортга нисбатан ортиқча топширилган хар бир тонна пахта хом ашёси учун белгиланган нархга қўшимча равишда
10 фоиз миқдорида устаматўлашни “Буюртмачи”дан талаб қилиш;

“Буюртмачи”дан тақдим этилган талабнома асосидайиғим-терим мавсуми учун зарур миқдорда керакли материаллар __________________________________________ билан таъминлашни талаб қилиш;

пахта хом ашёсини етиштиришда махсулот қийматини ихтиёрий суғурталаш;

“Буюртмачи”дан йиғим-терим вақтида терим пулини ўз вақтида тўланишини талаб қилиш.

2.2. “Хўжалик” қуйидагиларга мажбур:

мазкур шартноманинг 2.4-банди, биринчи хатбошисида белгиланган миқдордаги уруғликни “Буюртмачи”дан қабул қилиб олиш;

ушбу шартноманинг 1.2-бандида кўрсатилган экиш учун талаб этиладиган уруғлик чигит учун нави, авлоди, миқдори ва муддати кўрсатилган буюртманома тақдим этиш;

“Хўжалик” 202__ йилги пахта хосили етиштириш учун “Буюртмачи”га агротехник тадбирлардан келиб чиққан ҳолда ҳаражатлар тури ва муддати бўйича молиялаштириш юзасидан агротехника тадбирлари бошланишидан аввал камида 15кун олдин талабнома тақдим этади. Талабномада кўрсатилган пул маблағлари шартноманинг умумий қийматининг60 %дан ошиб кетмаслиги лозим;

“Буюртмачи”дан қабул қилиб олинган селекцион навли уруғлик чигитни шартноманинг иловасидаги маълумотномада хақиқатда экилиши назарда тутилган контурлардаги ер майдонига тўлиқ экишни таъминлаш;

шартномада кўрсатилган пахта хомашёсини “Буюртмачи”нинг ___________________________________________________________қабул қилиш манзилига 2022йил 15 декабрь санасигача етказиб бериш;

шартноманинг 1.2-бандларида кўрсатилган мажбуриятларни тўлиқ бажариш;

топширилаётган маҳсулотнинг сифати ва нави стандартлар, техник шартлар ва мазкур шартномада белгиланган мажбурий шартларга мос етказиб берилишини таъминлаш;

“Буюртмачи”дан олинган уруғлик, йиғим-терим мавсуми учун керакли материаллар ва бўнак(аванс) маблағларидан агротехнологик харитасига мувофиқ мақсадли фойдаланиш;

“Буюртмачи”дан агротехник тадбирлар учун олинган ёқилғи мойлаш материаллари ва минерал ўғитлардан белгиланган меъёр асосида ҳамда сув ресурсларидан тежамли фойдаланиш;

шартномавий мажбурият бажарилмаган тақдирда “Буюртмачи”га етказилган зарарни қоплаш;

агар “Хўжалик” мазкур шартномада кўрсатилган мажбуриятни узрли сабабларга кўра бажара олмаса,
бу тўғрисида асослантирувчи ҳужжатлар билан олдиндан оқилона муддатда “Буюртмачи”ни ҳабардор қилиш;

пахта йиғим-терим ишларига теримчиларни жалб қилишда Ўзбекистон Республикаси қонунлари, халқаро шартномалари, шу жумладан Халқаро Меҳнат Ташкилотининг “Болалар меҳнатининг оғир шаклларини тақиқлаш ва йўқ қилишга доир шошилинч чоралар тўғрисида”ги ва “Зўрлаб ишлатиш ёки мажбурий меҳнат тўғрисида”ги конвенциялари талабларига қатъий риоя қилиш.

2.3. “Буюртмачи”нинг ҳуқуқлари:

топширадиган маҳсулотнинг сифати ва нави стандартлар, техник шартлар ва мазкур шартномада белгиланган мажбурий шартларга мос келишини “Хўжалик”данталаб қилиш;

ушбу шартномада кўрсатилган маҳсулотни ўз вақтида қабул қилиш жойига топширишни “Хўжалик”дан талаб қилиш;

“Хўжалик”томонидан пахта жойлаштирилган майдонларни тўғри кўрсатилганлигини назорат қилиш;

маҳсулот етказиб берилмаганлиги ёки сифатсиз маҳсулот етказиб берилганлиги учун етказилган зарарларни қоплашни “Хўжалик”дан талаб қилиш;

тасдиқланган агротехнологик харитага мувофиқ тегишли чора-тадбирларни ўз вақтида амалга оширилишини “Хўжалик”дан талаб қилиш.

2.4. “Буюртмачи”нинг мажбуриятлари:

“Хўжалик”ка экиш учун ушбу шартномада кўрсатилган уруғлигидан _________ нав ______ авлод _________ тоннани 20__йилнинг “___” ___________гача ёки “Хўжалик” томонидан берилган буюртманомада кўрсатилган муддатда ва миқдорда етказиб бериш;

“Хўжалик” томонидан шартноманинг 1.2.-бандига мувофиқ етказиб берилган уруғлик ва пахта хом ашёсини қабул қилиш ва уни хақини мазкур шартноманинг 4-бўлимида белгиланган тартибда тўлаш;

“Хўжалик” билан келишилган холда йиғим-терим мавсумида терим пулларини ўз вақтида тўланишини таъминлаш;

“Хўжалик”ни ушбу шартномани бажариш учун зарур бўлган амалдаги тегишли давлат стандартлари
ва бошқа меъёрий ҳужжатлар билан таъминлаш;

“Хўжалик” томонидан етказиб берилган маҳсулотга тўлов ёки товар-транспорт ҳужжатини маҳсулотни қабул қилганидан кейин 24 соат ичида расмийлаштириб бериш;

маҳсулот тайёрлов масканига “Хўжалик”нинг транспорт воситасида ташилганда “Хўжалик”ка транспорт ҳақини ҳақиқий вазн бўйича тўлиқ масофа учун белгиланган меъёрий тарифлар доирасида ҳосил йилининг 31 декабрь санасига қадар тўлаш;

“Хўжалик”томонидан шартномада белгиланган режадан ортиқча топширилган I ва II сортпахта хом ашёси учун шартноманинг 2.1.-бандининг олтинчи хатбошисида белгиланган тартибда қўшимча устамаларни тўлаб бериш;

пахта терими бошлангунга қадар “Хўжалик” томонидан берилган талабнома асосида “Хўжалик”ни зарур миқдордаги йиғим-терим мавсуми учун керакли материаллар билан таъминлаш;

Шартноманинг 2.1.-бандининг иккинчи хатбошисига асосан берилган талабнома бўйича “Хўжалик”ни агротехник тадбирлар учун бўнак маблағлари, шу жумладан ёқилғи мойлаш материаллари, минерал ўғит
ва бошқа зарур нарсалар билан таъминалаш;

шартнома рўйхатдан ўтказилган кундан бошлаб икки кун муддатда “Хўжалик”ка рўйхатдан ўтказилган шартноманинг бир нусхасини тақдим этиш;

“Хўжалик”ка янги замонавий қишлоқ хўжалиги техникалари, ёқилғи-мойлаш материаллари, минерал ўғитлар ва бошқа зарур товарларни харид қилиш ва технологияларни жорий қилишда кўмаклашиш.

3. ШАРТНОМАНИНГ БАЖАРИЛИШИ

3.1. Мажбуриятлар мазкур шартнома шартлари ва қонунчилик ҳужжатлари талабларига мувофиқ зарур тарзда бажарилиши керак.Агар тарафлар ўз зиммаларига олган барча мажбуриятлар бажарилишини таъминласа, шартнома бажарилган ҳисобланади.

3.2. Ушбу шартномада кўрсатилган миқдордаги маҳсулотни қабул қилиш бўйича якуний ҳужжатлар тузилган сана “Хўжалик” томонидан шартнома бўйича мажбуриятлар бажарилган сана ҳисобланади.Якуний ҳисоб-китобларнинг тўлов ҳужжатидаги кўрсатилган сана маҳсулотга ҳақ тўлаш бўйича “Буюртмачи” томонидан мажбуриятлар бажарилган сана хисобланади.

3.3. Маҳсулот “Буюртмачи”нинг _________________________ манзилдаги тайёрлов масканига “Буюртмачи”нинг ёки “Хўжалик”нинг транспортида (кераклисини тагига чизиб қўйилади) етказиб берилади.

3.4. “Буюртмачи” томонидан “Хўжалик”ка экиш материаллари (уруғлик) ушбу шартномадаҳамда буюртманомада кўрсатилган муддат ва миқдорда етказиб беради.

“Хўжалик” томонидан “Буюртмачи”га экиш материаллари (уруғлик) туркумлариниҳамда етказиб бериш санасини ўзгартириш зарурати мавжуд бўлса,10 кун олдин тарафлар учун мақбул бўлган алоқа воситалари (чопар, почта, электрон почта) орқали хабарнома юборилиши лозим.

 

 

 

Тарафларнинг расмий боғланиши учун алоқа воситалари тўғрисидаги маълумот:

Т/р

Буюртмачи

Хўжалик

1.

почта:

почта:

2.

тел.рақами:

тел.рақами:

3.

электрон манзил:

электрон манзил:

4.

бошқа восита:

бошқа восита:

4. МАҲСУЛОТ БАҲОСИ ВА ҲИСОБ-КИТОБ ТАРТИБИ

4.1. “Хўжалик” томонидан “Буюртмачи”га етказиб бериладиган пахта хом ашёсининг ўртача харид нархи
1 (бир) тоннаси учун ___________ (___________________________________) сўмни ташкил қилади.

                                                                                                                                             /рақам сўзлар билан кўрсатилади/

Шартноманинг умумий суммаси ___________ (___________________________________) сўмни ташкил қилади.                                                                                                                                                        /рақам сўзлар билан кўрсатилади/

4.2. Йиғим-терим мавсумида “Буюртмачи” “Хўжалик”ка топширилган пахта хом ашёси учун мутаносиб равишда (қўл терими учун) терим пулларини белгиланган нархларда тўлаб боради.

4.3. Уруғлик пахта учун уруғликнинг унувчанлиги 90 % дан юқори бўлганда ҳарид нархига қуйидаги миқдорда устама ҳақ тўланади.

Элита ва супер элитачигитучун 100%,

1 - репродукцияличигитучун (R1) 75%,

2 - репродукцияличигитучун (R2) 50 %,

3 - репродукцияличигитучун (RЗ) 25 %

4.4. “Буюртмачи” томонидан “Хўжалик”нинг етказиб берилган пахта хом ашёси қийматининг якуний хисоб-китоблари терим учун ўтказилган пуллар ва бошқа ҳаражатлар чегирилганидан қолган қисми ҳосил йилининг 31 декабрь санасига қадар, уруғлик пахтанинг 1-босқичдатопширилган уруғлик пахта хом ашёси учун ҳисобланган устаманинг 50 фоизи миқдорида уруғчилик хўжаликларига пахта хом ашёсини “Бюртмачи”га топширган вақтда тўловлар амалга оширилади.

(“Уруғлик пахта хом ашёси етиштириш миқдорини аниқлаш ва унга асосан шартномалар тузиш тартиби тўғрисида”ги низом 2007 йил 14 ноябрь, рўйхат рақами 1738-сон).

4.5. Маҳсулотни транспортда ташиш ва тушириш ҳаражатлари “Буюртмачи” ҳисобидан ҳақиқий вазн бўйича ва бутун масофа учун ҳосил йилининг 31 декабрига қадар амалга оширилади.

4.6. Ушбу шартнома бўйича олинадиган уруғлик баҳоси_________________сўмни ташкил этиб, бўнак ҳисобига етказиб берилади.

5. ТАРАФЛАРНИНГ ЖАВОБГАРЛИГИ

5.1. Маҳсулотни мазкур шартномада белгиланган нав, сифат ва миқдорда ўрнатилган муддатларда қабул қилиниши рад этилишининг ҳар бир ҳолати учун “Буюртмачи” “Хўжалик”ка устамалар тўланиши ҳисобга олинмаган ҳолда амалда шаклланган ўртача нархдан келиб чиқиб қабул қилинмаган маҳсулот қийматининг ___ фоизи миқдорида жарима тўлайди.

Бундан ташқари, маҳсулотни қабул қилиш рад этилганлиги туфайли хўжалик кўрган зарарнинг жарима билан қопланмаган қисми ҳам тўланади.

5.2. Шартномада белгиланган нав, сифат ва миқдорда маҳсулот топширишдан асоссиз бош тортганлиги учун “Хўжалик” “Буюртмачи”га топширилмаган маҳсулот қийматининг ___фоизи миқдорида жарима тўлайди. Жарима харид нархига белгиланган устамалар тўланиши ҳисобга олинмаган ҳолда ўтган даврда (ой, йил чораги, йил) маҳсулотнинг амалда шаклланган ўртача нархидан келиб чиқиб ҳисобланади. Бундан ташқари, зарарнинг маҳсулот етказиб берилмаганлиги туфайли юзага келган, жарима билан қопланмаган қисми ҳам тўланади.

5.3. “Фермер хўжалиги тўғрисида”ги Қонуннинг 35-моддасига асосан, “Хўжалик” ушбу шартномада назарда тутилган ҳажмларда маҳсулотнинг етказиб берилишини таъминлаш бўйича ундирув қаратилиши мумкин бўлган ўз мол-мулки билан жавоб беради.“Хўжалик”нинг мол-мулки етарли бўлмаган тақдирда, мазкур шартномада белгиланган мажбуриятлар бўйича “Хўжалик” бошлиғи ўзига қарашли мол-мулк билан қонунчилик ҳужжатларига мувофиқ субсидиар жавобгар бўлади.

5.4. Мазкур шартномага мувофиқ белгиланган муддатларда бўнак (аванс) маблағларини, топширилган (юклаб жўнатилган) пахта хом ашёси ҳақини тўлашдан асоссиз бўйин товлаганлиги учун “Буюртмачи”“Хўжалик”ка белгиланган устамалар тўланиши инобатга олинмаган холда асоссиз тўлашдан бўйин товлаган сумманинг___фоизи миқдорида жарима тўлайди.

Жаримадан ташқари “Буюртмачи” “Хўжалик”ка муддати ўтказиб юборилган ҳар бир кун учун муддати ўтказиб юборилган тўлов суммасининг 0,4 фоизи миқдорида, бироқ муддати ўтказиб юборилган тўлов суммасининг 50 фоизидан ортиқ бўлмаган миқдорда пеня тўлайди.

5.5. Товар-транспорт ҳужжатини расмийлаштириш рад этилганлиги ёки нотўғри расмийлаш-тирилганлиги учун айбдор томон бошқа томонга ҳар бир товар-транспорт ҳужжати учун базавий ҳисоблаш миқдорида жарима тўлайди.

5.6. “Хўжалик”ни мазкур шартномада белгиланган миқдорда вa муддатларда стандарт
ва техник шартлар талабларига жавоб берадиган уруғлик билан таъминланмаганлиги учун “Буюртмачи” “Хўжалик”ка маҳсулот етказиб бериш пайтида амалда бўлган уруғлик қийматининг ___ баравари миқдорида жарима тўлайди.

5.7. “Буюртмачи” томонидан маҳсулот сифати, миқдори нотўғри аниқланиши, уларнинг қиймати нотўғри белгиланиши ҳоллари аниқланган тақдирда “Буюртмачи” маҳсулот сифатини, шунингдек, уларнинг миқдорини ҳисобга олган ҳолда қайта тўлиқ ҳисоб-китоб қилади ҳамда “Хўжалик” кўрган зарарни қоплаб беради.

5.8. “Хўжалик” томонидан сарфланган транспорт харажатларини тўламаганлик учун “Буюртмачи”“Хўжалик”ка тўлов муддати ўтказиб юборилган ҳар бир кун учун белгиланган муддатда тўланмаган сўмманинг 0,4 фоизи, бироқ тўлов муддати ўтказиб юборилган сумманинг
50 фоизидан кўп бўлмаган миқдорда пеня тўлайди.

5.9. Мазкур шартнома бажарилмаганлиги ёки зарур даражада бажарилмаганлиги учун “Хўжалик”ни жавобгарликка тортишда “Хўжалик” томонидан мазкур шартнома бўйича шартнома мажбуриятларининг бажарилмаслиги ёки лозим даражада бажарилмаслигига айбдор бўлган хизмат кўрсатувчи ташкилотларнинг жавобгарлиги ҳам кўриб чиқилади.

6. ФОРС-МАЖОР ВА ЖАВОБГАРЛИКДАН ОЗОД ЭТИШ

6.1. Тарафлардан бири шартномани енгиб бўлмайдиган куч ҳолат (форс-мажор)лари (зилзила, қурғоқчилик, сув тошқини, ёнғин, сел, дўл, жала ва бошқа табиий офатлар) сабабли бажармаган ёки лозим даражада бажармаганлигини исботласа, жавобгар бўлмайди.

6.2. Ушбу шартнома шартларини бажаришга тўсқинлик қилувчи форс-мажор ҳолатларининг бошланиши ва тугаши тўғрисида томонлар зудлик билан бир-бирларини ҳамда енгиб бўлмайдиган куч ҳолатлари (форс-мажор)ни тасдиқлаш бўйича комиссияни ёзма равишда хабардор қилишлари шарт.

Енгиб бўлмайдиган куч ҳолатлари (форс-мажор)ни тасдиқлаш бўйича комиссия бундай ҳолатлар оқибатида ёки “Буюртмачи”нинг айби билан шартномалар бўйича мажбуриятлар бажарилмаганлиги учун “Хўжалик”ни жавобгарликдан озод қилиш бўйича хулоса беришлари мумкин.

6.3. Форс-мажор ҳолатлари бўйича келишмовчиликлар ва низоли масалалар келиб чиққан тақдирда томонлар, қоидага кўра, мустақил равишда ёки туман (шахар)лар ҳокимликлари ҳузурида ташкил этиладиган енгиб бўлмайдиган куч ҳолатлари (форс-мажор)ни тасдиқлаш бўйича комиссия иштирокида уларни судгача ҳал этиш чора-тадбирларини кўрадилар.
Форс-мажор ҳолатларини аниқлашда шартнома тарафлари қатнашиши керак.

 

 

7. КОРРУПЦИЯГА ҚАРШИ ҚЎШИМЧА ШАРТЛАР

7.1. Тарафлар шартнома тузишда, шартноманинг амал қилиш муддатида ва ушбу муддат тугаганидан сўнг, шартнома билан боғлиқ коррупциявий ҳаракатларни содир қилмасликка келишиб оладилар.

7.2. Тарафлар шартномадаги коррупцияга қарши қўшимча шартларда белгиланган коррупциянинг олдини олиш чораларини тан олади ва уларга риоя этилиши бўйича ҳамкорликни таъминлайдилар.

7.3. Ҳар бир тараф шартнома тузилган пайтида бевосита ўзи ёки унинг ижроия органлари, мансабдор шахслари ва ходимлари томонидан шартнома билан боғлиқ ҳолда қонунга хилоф равишда пул, моддий қимматликлар берилмаганлигини, таклиф этилмаганлигини, уларни беришга ваъда қилинмамаганлигини, шунингдек моддий ёки ҳар қандай турдаги имтиёз, устунликлар олинмаганлигини (келажакда бу турдаги ҳаракатларни амалга ошириши ёки қилиши мумкинлиги ҳақида таассурот қолдирилмаганлигини) кафолатлайди.

Тарафлар, улар томонидан шартнома доирасида жалб қилинган шахсларнинг ушбу ҳаракатларни содир этмаслиги юзасидан оқилона чоралар кўради.

7.4. Тарафлар уларнинг назорати остида бўлган ва улар номидан ҳаракат қиладиган шахслар томонидан коррупцияга қарши қўшимча шартларда белгиланган мажбуриятлар бузилганлиги фактлари ҳақида хабар берилганлиги учун уларга тазйиқ ўтказмаслигини ва бошқа салбий оқибатлар келтирмаслигини кафолатлайдилар.

7.5. Агар бир тарафга бошқа тарафнинг коррупцияга қарши қўшимча шартларда белгиланган мажбуриятларни бузилишига йўл қўйганлиги маълум бўлиб қолса, иккинчи тарафни бу ҳақда зудлик билан хабардор қилиши ва ушбу тарафдан оқилона муддат ичида тегишли чоралар кўрилишини ва амалга оширилган ишлар юзасидан унга хабардор қилишини талаб қилиши шарт.

Тарафнинг талаби бўйича иккинчи тараф томонидан қоидабузарликларни бартараф қилиш бўйича оқилона муддат ичида тегишли чоралар кўрилмаганда, ушбу тараф шартномани бир тарафлама тўхтатиб туришга, бекор қилишга ҳамда зарарни тўлиқ қоплаб беришни талаб қилишга ҳақли.

8. ШАРТНОМАНИНГ АМАЛ ҚИЛИШИ

8.1. Мазкур шартнома тарафлар томонидан имзоланиб, ҳудудий ваколатли органдан рўйхатдан ўтказилгандан кейин кучга кириб, 20__йил 31 декабрь санасигача амалда бўлади.

9. НИЗОЛАРНИ ҲАЛ ЭТИШ ТАРТИБИ

9.1. Шартнома шартлари бўйича тарафлар ўртасида келишмовчиликлар ва низоли масалалар келиб чиққан тақдирда тарафлар мустақил равишда уларни судгача ҳал этиш чораларини кўрадилар.

Тарафлар ўзаро келишувга эришмаган тақдирда эса низоли ҳолатлар тарафлардан бирининг аризасига асосан суд томонидан ҳал қилинади.

10. ЯКУНИЙ ҚОИДАЛАР

10.1. Мазкур шартнома тарафларнинг келишувига кўра ёки тарафларнинг бирини талаби асосида суд тартибида бекор қилиниши мумкин.

10.2. Мазкур шартномага ўзгартириш ва қўшимчалар ёзма шаклда амалга оширилиб тарафларнинг ваколатли вакиллари томонидан имзоланиши шарти билан ҳақиқий ҳисобланади.

10.3. Мазкур шартнома тарафларнинг ҳар бирига ҳамда рўйхатга олувчи орган учун бир нусхадан (уч нусха) тузилади.

10.4. “Буюртмачи” мазкур шартнома тўғри тузилиши ва рўйхатдан ўтказилишига масъул бўлиб, шартнома рўйхатдан ўтказилган кундан бошлаб икки кун муддатда шартномани аслини “Хўжалик”ка етказилиши мажбуриятини олади.

11. ТАРАФЛАРНИНГ МАНЗИЛИ ВА БАНК РЕКВИЗИТЛАРИ

_________________________

                                (Фермер)

Манзил: ___________ туман (шаҳри),
____________ кўчаси ___-уй.

Банк реквизитлари:

ҳ/р: _____________________

ХККМ: __________________

МФО: ___________________

ИНН: ___________________

 

       _______________ Ф.И.О.

 

_________________________

                                       (Кластер)

Манзил: ___________ туман (шаҳри),
____________ кўчаси ___-уй.

Банк реквизитлари:

ҳ/р: _____________________

ХККМ: __________________

МФО: ___________________

ИНН: ___________________

 

           ______________Ф.И.О.

 

20 __ йил “__”_______да _______-сон билан

“РЎЙХАТДАН ЎТКАЗИЛДИ”

_______________________

М.Ў. имзо, лавозими, Ф.И.О.

 

Ҳуқуқшунос хулосаси:

___________________________________________

___________________________________________

___________________________________________

Ф.И.Ш. ____________________________________

 

 


Рўйҳатга қайтиш