Янгиликлар

Ойлик маошлари адлия аралашувидан сўнг тўлаб берилди.

Маълумки, бундан икки йил муқаддам ташкил этилган туман (шаҳар) адлия бўлимлари айни пайтда ҳамюртларимизнинг ҳуқуқ ва эркинликларини самарали ҳимоя қилаётган идорага айланган. Бу эса ҳар бир мурожаатда ўз ифдоасини топмоқда.
Поп туманидаги Чинор МФЙ ҳудудида яшовчи фуқароларнинг туман адлия бўлимига қилган мурожаати ҳам шулар жумласидандир. Яъни жорий йилнинг июнь ойида Поп туман адлия бўлимига Чинор МФЙ ҳудудида яшовчи 13 нафар фуқаролар мурожаат қилиб, ўз мурожаатларида Поп туман бандликка кўмаклашиш маркази томонидан берилган 2020 йил 1 май кунги йўлламаларга мувофиқ Чинор МФЙга жамоат ишларини бажариш учун ишга қабул қилиниб ишлаганлигини, бироқ Поп туман бандликка кўмаклашиш марказидан ишлаган ойлик маошларини ололмаётганликларини билдириб, бу борада амалий ёрдам сўрашди.
Мазкур мурожаатлар ўрганилганда, туман бандликка кўмаклашиш маркази томонидан жорий йилнинг 5 июнь санасига қадар тўлаб берилиши лозим бўлган ойлик маошлари ҳозирга қадар тўланмасдан келинганлиги аниқланди. Шу боис туман адлия бўлими аралашуви натижасида 13 нафар ходимларнинг жами 9.096.556 сўм иш ҳақлари ходимларга тўлаб берилиши таъминланди.

Акмал Қодиров,
Поп туман адлия бўлими етакчи маслаҳатчиси