Янгиликлар

Сайловолди тарғиботи давом эттирилмоқда.

Наманган шаҳар адлия бўлими томонидан сайлов юзасидан ҳуқуқий тарғибот қариялар уйида, яъни вилоят "Саҳоват" интернат уйида давом эттирилмоқда.
Тадбир иштирокчиларига яқинлашиб келаётган сайловларда иштирок этиш тартиби, сайлов куни тўғрисида тушунтиришлар берилди.
Тадбир иштирокчиларини қизиқтирган саволларга бўлим ходимлари томонидан батафсил жавоб берилди.
Жумладан, фуқароларга айрим сайловчилар соғлиғининг ҳолатига ёки бошқа сабабларга кўра овоз бериш биносига кела олмаган ҳолларда, тегишли участка сайлов комиссияси овоз беришни ушбу сайловчиларнинг илтимосига биноан улар турган жойда ташкил этиши, тегишли комиссиянинг камида икки нафар аъзоси кўчма сайлов қутиси билан сайловчининг турган жойига юборилиши тушунтирилди.