Янгиликлар

Давлат идоралари халқимизга хизмат қилмоқда.

Юридик хизмат соҳаси жуда ҳам кенг тушунчага эга. Ушбу соҳада адашиш ёки билим малаканинг етарли эмаслиги кўп жиҳатдан жамиятни таназзулга юз тутишига олиб келади. Авваллари ҳуқуқшунослар пойтахтга бориб ўз малакаларини ошириб келган бўлсалар, эндиликда Адлия вазирлиги ҳузуридаги юристлар малакасини ошириш маркази профессор-ўқитувчилари ҳудудларга бориб билим бермоқдалар.
Бунинг ёрқин мисоли сифатида куни кеча Наманган вилоят юридик коллежида ўқув-курслари бошланди. Марказнинг малакали ўқитувчилари давлат ташкилотларининг юридик хизмат ходимларига ва адвокатларга билим бермоқдалар. Бу хам бўлса “фуқаролар давлат идораларига эмас, балки давлат идоралари халққа хизмат қилиш керак” деган ғоянинг амалий ифодаси дейиш мумкин.
Ушбу амалиётни йўлга қўйилгани ўз навбатида тинловчиларнинг ҳам вақтига ҳам молиявий томондан маблағ тежамкорлигига хизмат қилса ажаб эмас.