Янгиликлар
Бошқарма бошлиғинининг мурожаатномаси: Ҳар бир идора нотариуси учун дастурамал бўлиши керак.
Коррупция ҳақида сўз борар экан биринчи навбатда ҳаёлимизга давлат хизматчиси келади. Бу таббий ҳол. Сўнгги пайтларда оммавий ахборот воситаларида коррупцияга
қарши курашиш, порахўрлик жиноятини содир этишда гумонланиб тергов ҳаракатлари олиб борилаётган шахслар ҳақидаги хабарларни кўп ўқияпмиз, эшитяпмиз.
Албатта айбдор шахслар тегишли жазога тортилиши, бу иллатга қарши муросасиз кураш олиб борилиши лозим. Лекин, бизнингча, энг аввало, ҳар бир давлат ташкилотининг ўзи тизимидаги ташкилотларда коррупцияни олдини олиш бўйича аниқ ҳаракатларни амалга ошириши, турли хавф-хатарларни баҳолаши улардаги коррупциявий омилларни минимал даражага тушириши лозим.
Адлия органларини “Коррупциясиз соҳа”га айлантириш энг асосий мақсад. Лекин бу осон иш эмас. Бу ишда тартиб, қатъийлик принципиаллик бўлмас экан коррупцияга қарши курашиш баландпарвоз гап бўлиб қолаверади.
Шу сабабли биз коррупцияга қарши курашишда аниқ режа асосида иш олиб боряпмиз. Хусусан, жорий йилнинг 7 сентябрь куни Наманган вилоят адлия бошқармаси бошлиғи ташаббуси билан ўтказилган муҳокама йиғилиши ана шу ҳақда бўлди. Унда давлат нотариал идораси нотариуслар ва ходимлари иштирок этдилар.
Йиғилишда, Наманган вилоят прокуратурасининг Уюшган жиноятчилик ва коррупцияга қарши курашиш бўлими терговчиси Азизбек Фозилов қатнашиб, коррупциянинг ҳуқуқий оқибатлари, вилоятимизда коррупцияга қарши курашиш борасида олиб борилаётган ишлар ҳақида йиғилиш иштирокчиларига маълумот берди.
Шу билан бирга, йиғилишда бошқарма бошлиғи Хайрулло Сабиров Нотариал идораларда коррупцион ҳолатларга чек қўйиш, давлат божлари ва бошқа йиғимлар ундиришнинг шаффофлигини таъминлаш, нотариуслар томонидан ортиқча пул ундириш имкониятларини кескин чеклаш мақсадида нотариуслар фаолиятида “СМС хабар” электрон тизими жорий этилганлигини таъкидлаб ўтди.
Йиғилиш сўнгида бошқарма бошлиғи ўринбосари Анваржон Турсунов бошқарма бошлиғининг давлат нотариал идоралари нотариусларига йўлланган коррупцияга қарши курашиш бўйича мурожаатномасини ўқиб эшиттирди, ҳамда ушбу мурожаатномалар ҳар бир давлат нотариал идоралари нотариусларига топширилди.