Янгиликлар

Беш ташаббуснинг бешинчиси

     Бешинчи ташаббус бўйича ҳудудларда тикув-трикотаж маҳсулотлари ишлаб чиқаришни ташкил этиш ва хотин-қизлар бандлигини таъминлаш чора-тадбирлари дастури лойиҳаси тайёрланган. 2019−2020 йилларда ҳар бир туманда енгил конструкцияли тикув-трикотаж корхоналарини қуриш ва аёлларни банд этиш кўзда тутилмоқда.

    Бу борада, тадбиркорлик билан шуғулланиш истагини билдирган хотин-қизлар учун тадбиркорликни бошлаш, имтиёзли кредитлар олиш тартиби бўйича манзилли тарғибот ишларини олиб бориш мақсадида ҳудудларда самарали ишлар ташкил этилмоқда.

     Фикримизни янада аниқроқ ифодалайдиган бўлсак, Уйчи туман адлия бўлими томонидан жорий йилнинг 13 август куни тумандаги тикувчилик цехига ташриф буюрилди. У ердаги тадбиркор аёллар билан учрашиб, уларнинг ўз бизнесини ташкил этиш ва юритиш кўникмаларини шакллантириш, бизнес ғояларини тайёрлашда консультатив ёрдам бериш, шу жумладан, лойиҳа бизнес режасини тайёрлаш ва бошқа масалалар юзасидан ҳуқуқий тушунтиришлар берилди.

Ҳуқуқий тарғибот ва маърифат бўлими